Piujuartussanik inuiaqatigiinnut iluaqutaasumik siunniutissat
Aatsitassanut ikummatissanullu inatsimmi piumasaqaatigineqarpoq, suliaqartoqartillugu, suliarineqartullu inuiaqatigiinni tamanut tunngasutigut pingaarutilimmik sunniuteqarsorinassappat, inuiaqatigiinni piujuartussamik iluaqutaasumik sunniutissanik nalilersuisoqartassasoq (VSB-mik nalunaajaammik taaneqartumik), Naalakkersuisunit akuerineqartumik.
Qillerinissamut iliuusissamut tunngatillugu 2010-mi VSB suliarineqarpoq, tamatumunngalu atatillugu Naalakkersuisut, kommunit qinnuteqartorlu (Cairn Energy) suleqatigiinnissamut isumaqatigiissuteqarput. Isumaqatigiissummut ilanngunneqartut ilagaat NUNAOIL-ip ineriartortinnissaa, oqartussaassuseqarnerup annertusinissaa kalaallillu suliffeqarfiinut atortussanik inniminneerisarnissaq.
Sisimiuni Aatsitassalerinermut Ikummatissalerinermullu Ilinniarfik, aatsitassalerinermut ikummatissalerinermullu qitiusumik ilinniarfeqarfiuvoq, oqartussaassuseqarnerup annertusarneqarnissaanut 2010-mi ukiakkut naammassisoq.
Nittartakkat
Aatsitassanut Ikummatissanullu Aqutsisoqarfik, www.govmin.gl